Us Wurk 

 

Us Wurk is It wittenskiplik tiidskrift foar de  frisistyk dat al sûnt 1952 utbrocht wurdt. It wurdt útjûn troch de FFYRUG en wurdt publisearre troch de universiteitsbibliotheek yn Grins. Fia de webside https://ugp.rug.nl/uswurk/issue/archive binne alle  jiergongen digitaal beskikber. 

De earste edysjes waarden noch kopiearre by kopiearynrjochting Fedde Dykstra yn Ljouwert. Yn 1958 lykwols wie der mei de sinteraasje mear mooglik en waard Us Wurk printe. Dat wie wakker in ferbettering want de lês- en lûdtekens wiene net altyd  goed lêsber yn kopiearre foarm. Dat makke ek dat der in werprintinge kaam fan de earste numers fan Us Wurk. Al rillegau waard it tal siden fan Us Wurk fergrutte.

De jgg. 1-3 bistiene elkmes út fjouwer nûmers fan 16 siden; yn 1952 wiene dy datearre op selle-, gers-, simmer- en wintermoanne,- yn 1953 op selle-, blomme-, haei- en slachtmoanne,- yn 1954 op selle-, gers-, hea- en slachtmoanne. De jgg. 4-5 bistiene beide út twa dûbelnûmers, yn 1955 fan elkmes 32 siden, datearre op foarjiers- en wynmoanne,- yn 1956 fan 49 en 48 siden, datearre op blomme- en wintermoanne. Jg. 6 bistie út twa nûmers fan 24 siden en ien dûbelnûmer fan 56 siden, datearre op haeij- [sic!], hjerst- en wintermoanne, aldus Teake Hoekema yn it redaksjonele stik by de werprintinge.